Əliabad 2 nömrəli tam orta ümumtəhsil məktəbinin 7-ci sinfində musiqi fənni üzrə “Tanınmış şəxsiyyətlər” mövzusu çərçivəsində görkəmli bəstəkar Fikrət Əmirovun həyat və yaradıcılığına həsr olunmuş nümunəvi dərs təşkil edilib.
"Tehsil365" xəbər verir ki, Dərs musiqi müəllimi R. Türkan tərəfindən keçirilib. Nümunəvi dərs zamanı şagirdlərə Fikrət Əmirovun Azərbaycan musiqi mədəniyyətindəki xüsusi yeri, onun simfonik muğam janrının inkişafındakı rolu, eləcə də zəngin yaradıcılıq irsi haqqında ətraflı məlumat verilib.
Şagirdlər bəstəkarın əsərləri ilə tanış olub, onun yaradıcılığına dair təqdimatlar və müzakirələr aparıblar. Keçirilən dərs şagirdlərin musiqi biliklərinin zənginləşdirilməsinə, milli musiqi irsimizə marağın artırılmasına və tanınmış şəxsiyyətlər haqqında dünyagörüşlərinin genişlənməsinə xidmət edib.