Azərbaycanın Milli Qəhrəmanı Ələsgər Xanlar oğlu Novruzov 26 fevral 1992-ci ildə Xocalı şəhərində baş verən faciəli hadisələr zamanı həlak olub.
“Tehsil365” xəbər verir ki, 1949-cu il avqustun 1-də Laçın rayonunun Kürdhacı kəndində anadan olan Ələsgər Novruzov Vətənə bağlılığı və cəsarəti ilə seçilib. Birinci Qarabağ müharibəsi dövründə torpaqların müdafiəsində fəal iştirak edib.
Xocalı hadisələri zamanı göstərdiyi igidliyə görə ölümündən sonra “Azərbaycanın Milli Qəhrəmanı” fəxri adına layiq görülüb.
Ələsgər Novruzovun xatirəsi daim ehtiramla anılır, onun qəhrəmanlıq yolu gələcək nəsillər üçün vətənpərvərlik nümunəsi kimi dəyərləndirilir.