İngiltərədə mühüm və simvolik hadisə baş verib.
“Tehsil365” xəbər verir ki, Sara Mallalli Kanterberi arxiyepiskopu təyin olunaraq Anqlikan kilsəsinin tarixində bu posta yüksələn ilk qadın olub.
Təntənəli intronizasiya mərasimi Kanterberi katedralında keçirilib. Mərasimdə Uels şahzadəsi və şahzadəsi, həmçinin Böyük Britaniyanın baş naziri Kir Starmer və digər yüksək vəzifəli şəxslər iştirak ediblər.
Qeyd edək ki, Kanterberi arxiyepiskopu Anqlikan kilsəsinin və ümumilikdə dünya üzrə anqlikan icmasının mənəvi lideri hesab olunur.